تحذير من كاميرا اللاب توب‎

السلام عليكم ورحمة الله وبركاته

نصيحة لكم من أعماق قلبي ..

تعرفون إن في الفترة هذه انتشرت اللابتوبات اللي فيها كاميرا وأي واحد شاري هالابتوب مبسوط فيه وراج راسه بكاميرته

وماشي عند الناس فشخره لابتوبي فيه كاميرا لكن اللي أغلبكم ما يعرفه انه انتشر برضو برنامج يشغل الكاميرا

بالمسنجر او السكايبي وأنت ما تدري يعني راعي البرنامج يدخل عليك ويشوفك وأنت تحسب كاميرتك طافية

والأدهي والأمر أنه حتى الشخص اللي أنت ما سويت له قبول يقدر يشغل كاميرتك عن طريق الرسالة الفورية

هذه ميزة بمسنجر بلس واللي خلاني اكتب الموضوع هالسالفة :

يوم الإثنين اللي فات كنت رايح لواحد من أخوياي وهالولد أنا أفهم وش فيه من تعابير وجهه

وشفته مبين عليه الهم والغم والدنيا مو شايلته سألته وش فيك ؟

قالي سمعت عن البرنامج اللي يشغل كاميرا النت ؟ قلت له ايه وش وفيه ؟!

قال أنا يوم السبت تارك ماسنجري مفتوح واللابتوب مشغل ورحت اتروش

ورجعت أبدل بغرفتي <<< يعني كان بدون ملابس << يقول شويه واسمع صوت

المسن اللي يطلع لو أحد كتب لك كلام ولما دخلت إلا واحد يقولي شخبارك ومن هالكلام

وما أمداه أخذ دقيقتين إلا يقولي بوريك شيء .. مقطع فيديو

وجا يبي يطالع الا المسكين شاف نفسه وهو يغير ملابسه

يقول خويي لما أخذ وعطى الولد قاله إذا ما تبي المقطع ينتشر ادفع لي 1000 ريال شحن سوا ترسلها لي

طبعاً خويي ما وافق لأنه عارف إن الولد بيرجع له مرة وثنتين و3

والولد للأسف مو هامه أحد حتى لما خويي قاله اتق الله فيني قاله مو شغلي ولا تفتحلي مواضيع دين

المهم إن الولد مهدد إنه ينشر المقطع وخويي مصدوم وحالته حاله وخايف

والسبب كله كاميرا اللابتوت اللي حنا فرحانين فيها

عشان كذا نصيحة مني لكم شوفوا لها حل غطوها بورقه أو لفظ غير لائقروها وجيبوا وحده خارجية

وأنا والحمد لله مغطي كميرتي بشطرطون أسود

الف شكر تقبل مروري